தமிழகம் முழுவதும் 10-ம் வகுப்பு பொதுத்தேர்வு கடந்த 28-ம் தேதி தொடங்கி நடந்து வருகிறது. தமிழ் தேர்வு முடிந்த நிலையில் நேற்று ஆங்கில பாடத் தேர்வு நடைபெற்றது.
இதே போல் நாகை வெளிப்பாளையத்தில் உள்ள நடராஜன் தமயந்தி மேல்நிலைப்பள்ளியில் ஆங்கில பாடத்திற்கான தனித்தேர்வை பெண் ஒருவர் எழுதினார். தேர்வு அறை கண்காணிப்பாளர், வினா மற்றும் விடைத்தாளை கொடுத்த பிறகு தேர்வு எழுதி கொண்டிருந்தனர்.
அதில் தேர்வு எழுதிய பெண்ணின் புகைப்படம் ஒட்டப்பட்டிருந்தது. அப்போது அந்த பெண் படபடப்புடன் இருந்தார். பின்னர், தன்னிடமிருந்த வருகை பதிவு குறிப்பேட்டை பார்த்தார். அதில் குறிப்பிட்ட அந்த பெண்ணுக்கு பதில் வேறு ஒரு பெண்ணின் போட்டோ ஒட்டப்பட்டிருந்தது.
இது குறித்து முதன்மை கல்வி அலுவலர் சுபாஷினி உள்ளிட்ட அதிகாரிகளுக்கு தகவல் தெரிவிக்கப்பட்டது. உடனே அங்கு வந்து கல்வித்துறை மற்றும் காவல் துறையினர் விசாரணை மேற்கொண்டனர்.
இதில் அந்த பெண், நாகப்பட்டினம் வெளிப்பாளையம் பகுதியைச் சேர்ந்த 28 வயதுடைய செல்வாம்பிகை என்பது தெரியவந்தது. தனது தாய்க்கு பதிலாக ஆள்மாறாட்டம் செய்து தேர்வு எழுதியதும் கண்டுபிடிக்கப்பட்டது.
இதே போல் தமிழ் தேர்வு எழுதியவர் ஆங்கிலத்தேர்வு எழுதும் போது சிக்கி கொண்டார். சுகந்தி நாகை மருத்துவக்கல்லூரி மருத்துவமனையில் சமையல் கூடத்தில் ஊழியராக வேலை செய்கிறார். பத்தாம் வகுப்பு தேர்ச்சி பெற்றிருந்தால் அவருக்கு அடுத்த நிலைக்கான பதவி உயர்வு கிடைக்கும் என சிலர் சொல்லியுள்ளனர்.
உடனே தன் தாய்க்காக ஆள்மாறாட்டம் செய்து செல்வாம்பிகை தேர்வு எழுத முடிவு செய்து எழுதியதில் சிக்கி கொண்டார். செல்வாம்பிகைக்கு ஒரு வயதில் குழந்தை உள்ளது. தற்போது அவர் கர்ப்பிணியாக வேறு இருக்கிறார். ஆனாலும் செய்த குற்றத்திற்காக அவர் மீது வழக்கு பதிவு செய்து கைதுசெய்தனர்.