கோவை சரவணம்பட்டி பகுதியில் உள்ள குமரகுரு கல்லூரி வளாகத்தில், யுகம் எனும் நிகழ்ச்சி ஆண்டு தோறும் நடத்த பட்டு வருகின்றது. இதன் தொடர்ச்சியாக இந்த ஆண்டுக்கான யுகம் நிகழ்ச்சி, நாளை 6ம் தேதி முதல் 8ம் தேதி வரை நடைபெற உள்ளது. இது குறித்த செய்தியாளர்கள் சந்திப்பு, கோவை பந்தயசாலையில் நடைபெற்றது .
செய்தியாளர்களிடம் பேசிய குமரகுரு கல்லூரியின் அசோசியேட் டீன் விஜிலேஷ் மற்றும் அசோசியேட் இயக்குநர் டாக்டர் ஷீலா ஸ்ரீவத்சா மற்றும் மாணவர்கள் ஷான்வி, சமர் உள்ளிட்ட யுகம் குழுவினர் கூறியதாவது:
தென் இந்தியாவின் மிகப்பெரிய தொழில்நுட்ப கலாச்சார விழாவாக வளர்ந்துள்ள யுகம், இந்த ஆண்டும் மாணவ மாணவியர்களின் எதிர்காலத்தை தீர்மானிக்கும் பல்வேறு நிகழ்வுகளை நடத்தவுள்ளது. இந்த ஆண்டு 100க்கும் மேற்பட்ட நிகழ்வுகள் நடைபெற உள்ளதாகவும், இதன் மூலமாக, ஆயிரக் கணக்கான மாணவ மாணவியர்களுக்கு கற்றல், மற்றும் கலாச்சார போட்டிகளை நடத்த உள்ளது.
மெனிபெஸ்ட் என்ற கரு பொருளின் கீழ் நிகழ்வுகள் நடைபெற உள்ளது. 17 மாநிலங்களில் உள்ள 200க்கும் மேற்பட்ட கல்லூரிகளில் இருந்து ஆயிரக்கணக்கான மாணவ மாணவியர்கள் இதில் கலந்து கொள்ள உள்ளனர். மாணவர்களின் சிறந்த படைப்புகளை தேர்வு செய்து பரிசு வழங்க உள்ளோம். பருவநிலை மாற்றம், நீர் மேலாண்மை, கழிவு நிர்வாகம், மற்றும் புதுமையான சுத்த ஆற்றல் தீர்வுகளுக்கு, சிறப்பு பரிசாக 1 லட்சம் வழங்கப்படுகிறது.
இவ்வாறு அவர்கள் தெரிவித்தனர்.