திருச்சி பாலக்கரை கேம் ஸ்டோன் செபஸ்தியார் கோவில் தெருவை சேர்ந்தவர் ஞானசேகரன். இவரது மகன் அருண் பிரான்சிஸ் ராஜ் (39).இவர் தனது வீட்டு அருகே நின்ற ஆட்டோவில் 6 பேர் கொண்ட கும்பல் அமர்ந்து இருந்ததை பார்த்து சத்தம் போட்டார்.அப்போது அந்த கும்பல் பயங்கர ஆயுதங்கள் மற்றும் போதை மாத்திரைகள் வைத்திருந்தது.அந்த கும்பல் அருண் பிரான்சிஸ் ராஜை மிரட்டியுள்ளனர்.பின்னர் அவர் வீட்டிற்குள் சென்று விட்டார். இந்நிலையில் அந்த 6 பேர் கொண்ட கும்பல் ஆட்டோவை உடைத்து சேதப்படுத்தியது. இதுகுறித்து அருண் பிரான்சிஸ் ராஜ் பாலக்கரை போலீசில் புகார் அளித்தார். புகாரின் பேரில் சப்-இன்ஸ்பெக்டர் அலாவுதீன் வழக்கு பதிந்து மேத்தியூ ( 25), முகமது சபிக் கனி ( 22) ஆகிய இரண்டு பேரை கைது செய்தார். மேலும் அந்தோணி ,சஞ்சய், சிம்சன், ராபர்ட் வின்ஸ்லி ஆகிய நான்கு பேரை தேடி வருகிறார். கைதான நபர்களிடமிருந்து 96 போதை மாத்திரைகள் பறிமுதல் செய்யப்பட்டது.மேலும் ஆயுதங்களுடன் தப்பியோடிய 4 பேரை போலீசார் தேடி வருகின்றனர்.
இதேபோல் திருச்சி இ.பி.ரோடு பகுதியில் மலைக்கோட்டை பகுதியைச் சேர்ந்த ஜனார்த்தனன் என்பவரிடம் கத்தி முனையில் பணம் கேட்டு மிரட்டி பணம் பறித்ததாக சிந்தாமணியை சேர்ந்த தினேஷ் குமார் என்ற ரவுடியை கோட்டை போலீசார் கைது செய்தனர்.