திருச்சி மாவட்டம், மண்ணச்சநல்லூர் அடுத்த வாத்தலை காவல் சரகத்திற்கு உட்பட்ட முசிறி கொடுந்துரை சாலையில் இன்று அதிகாலை சில மர்ம நபர்கள் மதுபோதையில் ரகளையில் ஈடுபட்டதாக கூறப்படுகிறது.
இதனை தட்டிக்கேட்ட நபர் ஒருவரை அந்த கும்பல் சரமாரியாக தாக்கியதாக கூறப்படுகிறது.
இதனையடுத்து பாதிக்கப்பட்ட நபர் வாத்தலை காவல் நிலையத்திற்கு புகார் அளிக்க சென்றுள்ளார்.
அப்போது காவல் நிலைய கதவு மூடியிருந்ததால் ஐயா…ஐயா…என சத்தம்போட்டு பலமுறை கூப்பிட்டுள்ளார். ஆனால் யாரும் உள்ளே இருந்து வராததால் நீண்ட நேரம் காத்திருந்த அந்த நபர் வெகு நேரமாகியும் யாரும் வராததால் அவர் அங்கிருந்து புறப்பட்டு சென்றுவிட்டார்.
பாதிக்கப்பட்ட பொதுமக்கள் 24 நேரமும் காவல் நிலையத்தில் வந்து புகார் அளிக்கலாம் என்று கூறப்பட்டிருந்த நிலையில் தற்போது பொங்கல் விழா நாட்களில் காவல் நிலையம் மூடப்பட்டிருந்தது பொதுமக்களிடையே அதிர்ப்தியை ஏற்படுத்தியுள்ளது.