கோவை அரசு அலுவலகங்களில் சமத்துவ பொங்கல் விழா உற்சாகமாக கொண்டாடப்பட்டு வருகிறது. இந்நிலையில் இன்று கோவை மாவட்ட ஆட்சியர் அலுவலக வளாகத்தில் சமத்துவ பொங்கல் விழா உற்சாகமாக கொண்டாடப்பட்டு வருகிறது. இந்த பொங்கல் விழாவிற்கு கோவை மாவட்ட கலெக்டர் கிராந்திக் குமார் தலைமை வகித்தார். ஆட்சியர் அலுவலகத்தில் வண்ண கோலமிட்டு, அங்கு வைக்கப்பட்டு இருந்த அடுப்பில், பெண் அலுவலர்கள் பொங்கல் வைத்து உற்சாகமாகக் கொண்டாடினர். விழாவில் ஆட்சியர் உள்ளிட்ட அதிகாரிகள் அனைவரும் பாரம்பரிய உடை அணிந்து இருந்தனர்.
பொங்கல் விழாவையொட்டி கயிறு இழுக்கும் போட்டி, உறியடித்தல் போட்டி, உள்ளிட்ட பல்வேறு போட்டிகள் நடத்தப்பட்டது. இதில் மாவட்ட வருவாய் அதிகாரி ஷர்மிளா அங்கு கூடி இருந்த அதிகாரிகளுடன் திரைப்பட பாடல் பாடி அனைவரையும் உற்சாகப்படுத்தினார். அனைவருக்குமான தேனீர் மற்றும் உணவு ஏற்பாடுகளுடன், அதிகாரிகளின் குடும்பத்தினரோடு பொங்கல் விழா களைகட்டி உள்ளது.