திருச்சி சுப்பிரமணியபுரம் ஔவையார் தெரு பகுதியை சேர்ந்தவர் குமரவேல் (50). இவர் கடந்த 18 ந்தேதி மாலை புதுக்கோட்டை நெடுஞ்சாலை சுப்புரமணியபுரம் பகுதியில் வேனை நிறுத்தி வைத்து விட்டு வீட்டிற்கு சென்றுள்ளார். இந்நிலையில் மறுநாள் வந்து பார்த்தபோது வேனை காணவில்லை, மர்ம நபர்கள் திருடி சென்றனர். இதுகுறித்து குமரவேல் கே.கே நகர் போலீசில் புகார் அளித்தார். புகாரின் பேரில் போலீசார் வழக்கு பதிந்து வேனை திருடிய மர்ம நபர்களை தேடி வருகின்றனர்.
வாலிபர் தற்கொலை..
ஸ்ரீரங்கம், தெப்பக்குளம் 1 வது தெருவை சேர்ந்தவர் செல்வராஜ். இவரது மகன் மனோகர் (24). ஏசி மெக்கானிக் .இவர் ஒரு பெண்ணை காதலித்து வந்ததாக கூறப்படுகிறது. இந்நிலையில் தனது தாய் வேலைக்கு சென்ற நிலையில்,மனோகர் மட்டும் வீட்டில் தனியாக இருந்துள்ளார். அப்போது மனமுடைந்த மனோகர் நேற்று மதியம் சேலையில் மின்விசிறியில் தூக்கிட்டு தற்கொலை செய்து கொண்டார். அவரை மீட்டு திருவரங்கம் அரசு ஆஸ்பத்திரியில் சிகிச்சைக்காக சேர்த்தனர். அவரை பரிசோதித்த டாக்டர்கள் அவர் ஏற்கனவே இறந்து விட்டதாக கூறினர். இது குறித்து ஸ்ரீரங்கம் போலீசார் வழக்கு பதிவு செய்து விசாரணை மேற்கொண்டு வருகின்றனர்.