கடந்த அதிமுக ஆட்சியில் முதலமைச்சராக இருந்த போது நெடுஞ்சாலைத்துறையில் ரூ.680 கோடி ஊழல் செய்ததாக எடப்பாடி பழனிசாமி மீது அறப்போர் இயக்கம் குற்றம்சாட்டியிருந்தது.இதனை தொடர்ந்து தன்னைப்பற்றிய அவதூறு பேச்சுக்கு தடை கோரியும், ரூ.1.10 கோடி மானநஷ்ட ஈடு கேட்டும் அறப்போர் இயக்கம் மீது எடப்பாடி பழனிசாமி சென்னை உயர்நீதிமன்றத்தில் வழக்கு தொடர்ந்து இருந்தார்.
இதனை தொடர்ந்து இந்த வழக்கு நீதிபதி மகாலட்சுமி முன்பு இன்று விசாரணைக்கு வந்தது. அப்போது வழக்கில் சாட்சியம் அளிக்க அதிமுக பொதுச்செயலாளர் எடப்பாடி பழனிசாமி சென்னை ஐகோர்ட்டு வளாகத்தில் உள்ள மாஸ்டர் நீதிமன்றத்தில் நேரில் ஆஜரானார். இதையடுத்து எடப்பாடி பழனிசாமி தனது தரப்பில் சாட்சியம் அளித்தார். அதனைத் தொடர்ந்து வழக்கு விசாரணையை வரும் டிசம்பர் 11-ம் தேதிக்கு ஒத்திவைத்து நீதிபதி உத்தரவிட்டார்.