பிக் பாஸ் நிகழ்ச்சியில் கலந்து கொண்ட பிறகு கெரியரில் படுபிசியாக இருந்து வரும் வனிதா விஜயகுமாருக்கு அக்டோபர் மாதம் 5ம் தேதி திருமணம் நடக்கவிருக்கின்றது. மாப்பிள்ளை வேறு யாரும் அல்ல ராபர்ட் மாஸ்டர் தான்.
ராபர்ட் மாஸ்டரும், வனிதா விஜயகுமாரும் சேர்ந்து மிஸ்டர் அன்ட் மிஸஸ் படத்தில் நடித்துள்ளனர். இந்நிலையில் தான் அக்டோபர் 5ம் தேதி திருமணம் என்று இன்ஸ்டாகிராமில் ஸ்டோரி வெளியிட்டுள்ளார் வனிதா.
வாழ்த்துக்கள் வனிதா அக்கா. இந்த திருமணமாவது கடைசி வரை நிலைத்து இருக்கட்டும். ராபர்ட் மாஸ்டர் அக்காவை பத்திரமாக பார்த்துக்கோங்க. இல்லை என்றால் எங்களுக்கு பதில் சொல்ல வேண்டும் என தெரிவித்துள்ளனர். சமூகவலைதளவாசிகளோ, மறுபடியுமா அக்கா. இந்த தகவல் அறிந்து அப்படியே ஷாக் ஆகிவிட்டோம். என்ன சொல்வதுனு தெரியவில்லை என்கிறார்கள்.
இது நிஜ திருமணம் இல்லை. மிஸ்டர் அன்ட் மிஸஸ் படத்திற்கு வித்தியாசமாக விளம்பரம் தேடும் முயற்சி என்றே கூறப்படுகிறது. முன்னதாக ராஜா ராணி படத்தை விளம்பரம் செய்ய ஆர்யாவுக்கும், நயன்தாராவுக்கும் திருமணம் என இயக்குநர் அட்லி விளம்பரம் செய்தார். அது பெரிய அளவில் ஒர்க் அவுட் ஆனது.
அதே போன்று தங்கள் படத்திற்கு வனிதாவும் அட்லி வழியில் விளம்பரம் தேடுகிறார் போன்று. அது ஒர்க் அவுட் ஆகவும் துவங்கிவிட்டது. ராபர்ட் மாஸ்டரும், வனிதாவும் முன்பு காதலர்களாக இருந்தவர்கள். அதன் பிறகு கருத்து வேறுபாடு ஏற்பட்டு பிரிந்துவிட்டார்கள்.
இந்நிலையில் படத்தில் ஜோடியாக நடித்திருக்கிறார்கள். காதல் முறிந்துவிட்டாலும் நட்பாக இருந்து வருகிறார்கள். பிக் பாஸ் நிகழ்ச்சியில் ராபர்ட் மாஸ்டர் கலந்து கொள்ள வனிதா தான் காரணம். அவர் பரிந்துரை செய்ததை அடுத்தே ராபர்ட் மாஸ்டரை போட்டியாளராக தேர்வு செய்தார்கள்.