இந்தியா வந்துள்ள வங்கதேச கிரிக்கெட் அணி 2 டெஸ்ட், 3 டி20 போட்டிகளில் விளையாடுகிறது. முதல் டெஸ்ட் சென்னையில் நடந்தது. இதில் இந்தியா 280 ரன்கள் வித்தியாசத்தில் அபார வெற்றி பெற்றது. அதைத்தொடர்ந்து 2வது டெஸ்ட் இன்று உ.பி. மாநிலம் கான்பூரில் உள்ள கிரீன்பார்க் ஸ்டேடியத்தில் தொடங்கியது. டாஸ் வென்ற இந்தியா பந்து வீச்சை தேர்வு செய்தது. முதல் ஓவரை பும்ரா வீசினார்.
தொடக்க ஆட்டக்காரர்களாக ஜாகீர் ஹசன், இஸ்லாம் ஆகியோர் களம் இறங்கினர். இதில் 24 பந்துகளை சந்தித்த ஜாகீர் ஹசன் டக் அவுட் ஆனார். அவருக்கு பதில் மோமினுல் ஹசன் வந்தார். 11 ஓவரில் வங்க தேசம் ஒரு விக்கெட்டை இழந்து 28 ரன்கள் எடுத்திருந்தது. தொடர்ந்து வங்க தேசம் நிதானமாக ஆடி வருகிறது.
நேற்று இரவு கான்பூரில் பலத்த மழை பெய்ததால் 10.30 மணிக்கு தான் டாஸ்போடப்பட்டு போட்டி தொடங்கியது.