திருச்சி மாவட்டம் ராம்ஜி நகர் நவலூர் குட்டப்பட்டு பகுதியைச் சேர்ந்தவர் கணபதி. இவர் பேக்கரி நடத்தி வருகிறார் . அப்பகுதியில் இரவு நேரங்களில் அடிக்கடி திருட்டு சம்பவங்கள் நடைபெறுவதால் இரவு மணிக்கு மேல் கடைகளை திறகுது வைக்க வேண்டாம் என ராம்ஜி நகர் காவல் நிலைய ஆய்வாளர் வீரமணி அறிவுறுத்தியுள்ளார். இந்நிலையில் நேற்று இரவு 1 மணிக்கு மேல் கதவுகள் பூட்டப்பட்டு கடையின் பின்புறம் வியாபாரம் தொடர்ந்து
நடைபெற்றதாக கூறப்படுகிறது. அப்போது அந்த பகுதியில் ரோந்து பணியில் இருந்த ராம்ஜி நகர் காவல் நிலைய ஆய்வாளர் மற்றும் தலைமை காவலர் கடையை மூடுமாறு நாங்கள் எச்சரித்தும்ம ஏன் மீண்டும் வியாபாரம் செய்தீர்கள் என கேட்டுள்ளார். இதையடுத்து கடை உரிமையாளருக்கும் போலீசாருக்கும் இடையே பெரும் வாக்குவாதம் ஏற்பட்டது. ஒரு கட்டத்தில் ஆத்திரமடைந்த போலீசார் கடை உரிமையாளரை ஒருமையில் திட்டி அடிக்கும் காட்சி சமூக வலைதளத்தில் வைரலானது. இச்சம்பவம் குறித்த விசாரித்த திருச்சி மாவட்ட எஸ்பி வருண்குமார் தலைமை காவலர் கார்த்திக்கை ஆயுதப்படைக்கு மாற்றி உத்தரவிட்டுள்ளார்.