இயக்குநர் ஷங்கர் இயக்கத்தில் கமல்ஹாசன் நடிப்பில் உருவான இந்தியன் 2 படம் திரையரங்குகளில் வெளியாகியுள்ளது. லைகா நிறுவனம் தயாரித்துள்ள இப்படத்தில் சித்தார்த், விவேக், பிரியா பவானி ஷங்கர், காஜல் அகர்வால், ரகுல் பிரீத் சிங் போன்ற முன்னணி நடிகர்கள் நடிக்த்துள்ளனர். தமிழ், தெலுங்கு, இந்தி உள்ளிட்ட மொழியில் உலகம் முழுவதும் 12ம் தேதி வெளியானது.
1996-ம் ஆண்டு வெளியான இந்தியன் திரைப்படத்தின் இரண்டாம் பாகமாக வெளியான இந்தியன் 2 திரைப்படம் ரசிகர்களிடம் கலவையான விமர்சனத்தை பெற்றுள்ளது.
இந்த நிலையில் கரூர் மாநகராட்சிக்கு உட்பட்ட தாந்தோணிமலையில் அமைந்துள்ள ஒரு தனியார் அழகு நிலையம், இந்தியன் 2 படத்திற்கு சென்று Stress increase செய்து கொண்ட அனைவருக்கும், Head Massage 20% சலுகை விலையில் செய்யப்படும் என்று அறிவிப்பு வெளியிட்டுள்ளது.
மேலும், இந்தியன் – 2 படத்திற்கு சென்றதற்கான டிக்கெட் நகல் அவசியம் என்ற வினோதமான விளம்பரம் ஒன்றை சமூக வலைத்தளங்களில் வெளியிட்டுள்ளனர். இந்த பதிவு வைரலாகி வரும் நிலையில், கமல் ரசிகர்கள் மற்றும் மக்கள் நீதி மையம் கட்சியினரிடம் கொந்தளிப்பை ஏற்படுத்தி உள்ளது.