விக்கிரவாண்டி தொகுதியில் இன்று காலை 7 மணிக்கு வாக்குப்பதிவு தொடங்கியது. அனைத்து வாக்குச்சாவடிகளிலும் மக்கள் நீண்ட வரிசையில் நின்று வாக்களித்தனர். இந்த தொகுதிக்கு உட்பட்ட ஒட்டன்காடு, மாம்பழப்பட்டு, காணை ஆகிய 3 பூத்களிலும் வாக்குப்பதிவு எந்திரத்திற்கு செல்லும் கேபிள் சரியாக வேலை செய்யாததால் வாக்குப்பதிவு எந்திரம் வேலை செய்யவில்லை. இதனால் இங்கு 7 மணிக்கு வாக்குப்பதிவு தொடங்கவில்லை. அதனை சரி செய்யும் பணியில் அதிகாரிகள் ஈடுபட்டனர். பின்னர் சற்று நேரத்தில் வாக்குப்பதிவு தொடங்கியது.
விக்கிரவாண்டியில் ஒரு பூத்தில் தேனீக்கள் கூடு கட்டி இருந்தது. இன்று திடீரென அங்கு மக்கள் கூட்டம் அதிகமாக இருந்ததால் தேன் கூட்டில் இருந்து தேனீக்கள் கலைந்தது. இதனால் அவற்றை கலைக்க நேரமானது. இதனால் அங்கும் வாக்குப்பதிவு தொடங்க தாமதம் ஆனது.
