கோவை மாவட்டம் மருதமலை அடிவாரத்தில் யானைகள் அதிகளவில் உள்ள வருகின்றன. காட்டு கொசு கடியால் யானைகள் தற்போது வெளியே வர ஆரம்பித்திருக்கின்றன . இந்த நிலையிலே, மருதமலை பகுதியில் ஐ.ஒ.பி. காலனி பாலாஜி நகரில் ஒற்றை யானை ஒன்று, குடியிருப்புகளுக்கு நுழைந்து உணவுதேடி வருகிறது. வீட்டின் கேட்டுகளை உடைத்தும் சேதப்படுத்துகின்றன. தகவல் தெரிவிக்கப்பட்டு சம்பவ இடத்திற்கு வந்து வனத்துறையினர் யானையை அடா் வனத்திற்குள் விரட்டி வருகின்றனர் .
ஆனால் யானை இரவு நேரங்களில் தொடர்ந்து வெளியே வருகின்றன. இது தொடர்பான சிசிடிவி காட்சிகளும் தற்பொழுது வெளியாகி இருக்கின்றன. வனத்தில் இருந்து வெளியேறும் யானைகளை விரைந்து விரட்டவும், வெளியேறாமல் தடுக்கவும் உரிய நடவடிக்கை எடுக்க வேண்டும் என அப்பகுதி பொதுமக்கள் தெரிவிக்கின்றனர்.
யானைகள் நடமாட்டம் காரணமாக நடைப்பயிற்சி உள்ளிட்ட தேவைகளுக்காக பொதுமக்கள் யாரும் வெளியே வர வேண்டாம் என பொதுமக்களுக்கு வனத்துறை அறிவித்திருக்கின்றனர் .