குவைத் தீ விபத்தில்50 பேர் பலியானார்கள் . இதில் 5 பேர் தமிழர்கள் என தெரியவந்துள்ளது. இது குறித்து அயலக தமிழர் நலத்துறை அமைச்சர் செஞ்சி மஸ்தான் கூறியதாவது:
குவைத் தீ விபத்தில் 5 தமிழர்கள் இறந்துள்ளதாக அங்குள்ள தமிழ்ச் சங்கங்கள் தெரிவித்துள்ளன. ஆனாலும் அதிகாரப்பூர்வமான தகவல்கள் கிடைக்கவில்லை. அவர்களது உடலை தமிழகம் கொண்டு வர நடவடிக்கை எடுக்கப்பட்டுள்ளது. ராமநாதபுரம் மாவட்டம் தென்னவனூர் பகுதியைச் சேர்ந்த கருப்பணன் ராமு, குவைத் தீ விபத்தில் மூச்சுத்திணறி உயிரிழந்து இருப்பதாக அவரது குடும்பத்தினர் தெரிவித்துள்ளனர்.
இவ்வாறு அமைச்சர் செஞ்சி மஸ்தான் கூறினார்.