கருணாநிதியின் நூற்றாண்டு பிறந்தநாள் விழா இன்று கொண்டாடப்படுகிறது. இதையொட்டி பிரதமர் மோடி தனது சமூகவலைதள பக்கத்தில் கருணாநிதிக்கு புகழாரம் சூட்டி உள்ளார். அதில் கூறி இருப்பதாவது:
முன்னாள் முதல்வர் கருணாநிதி தமிழுக்காக, தமிழ்நாட்டு வளர்ச்சிக்காக பாடுபட்டவர். தனது அறிவார்ந்த செயலால் அனைவராலும் மதிக்கப்படுபவராக இருக்கிறார். கருணாநிதி பிறந்தநாளில் அவருக்கு மரியாதை செலுத்துகிறேன். கலைஞருடன் நான் நடத்திய உரையாடல்களை இப்போது நினைவு கூர்கிறேன்.
இவ்வாறு அதில் கூறி உள்ளதுடன் 2017ல் உடல்நலம் பாதிக்கப்பட்ட கருணாநிதியை பார்க்க வந்தபோது எடுத்துக்கொண்ட புகைப்படத்தையும் மோடி வெளியிட்டுள்ளார்.