தஞ்சை மாவட்ட கலெக்டர் தீபக் ஜேக்கப் வெளியிட்டுள்ள செய்திக்குறிப்பில் கூறியிருப்பதாவது, தமிழ்நாடு அரசுப்பணியாளர் தேர்வாணையத்தால் நடத்தப்படும் தொகுதி 1 பணிகளுக்கான தேர்வு ஜூலை 13ம் தேதி நடக்கிறது. தேர்வர்கள் பயன்பெறும் வகையில் தஞ்சை மாவட்ட வேலைவாய்ப்பு மற்றும் தொழில்நெறி வழிகாட்டும் மையத்தின் மூலமாக டிஎன்பிஎஸ்சி குரூப் 1 தேர்விற்கான கட்டணமில்லா பயிற்சி வகுப்புகள் தொடங்கப்பட்டுள்ளது. இப்பயிற்சி வகுப்புகள் திங்கள் முதல் வெள்ளிக்கிழமை வரை பிற்பகல் 2 மணி முதல் மாலை 5 மணி வரை நடைபெறும். பயிற்சி வகுப்பில் பங்கேற்க அலுவலகத்திற்கு நேரில் வந்து பதிவு செய்ய வேண்டும். மேலும் குரூப் 1 கட்டணமில்லா பயிற்சி வகுப்புகள் தொடர்பான விபரங்களை 04362237037 என்ற தொலைபேசி எண்ணில் அலுவலக வேலைநாட்களில் கேட்டு தெரிந்து கொள்ளலாம். தஞ்சை மாவட்டத்தைச் சார்ந்த குரூப் 1 தேர்வுக்கு தயாராகும் தேர்வர்கள் கட்டணமில்லா இப்பயிற்சி வகுப்பில் கலந்துகொண்டு பயன்பெறலாம். இவ்வாறு மாவட்ட கலெக்டர் தீபக் ஜேக்கப் தெரிவித்துள்ளார்.
