இயக்குனர் ஷங்கர் இயக்கத்தில் 1996-ம் ஆண்டில் நடிகர் கமல்ஹாசன் இரட்டை வேடத்தில் நடித்து வெளியான ‘இந்தியன்’ திரைப்படம் மிகப்பெரிய வெற்றி அடைந்தது. தற்போது இதன் இரண்டாம் பாகத்தை 28 ஆண்டுகளுக்கு பிறகு இயக்குனர் ஷங்கர் இயக்கி வருகிறார். இந்த படத்தில் பிரியா பவானி சங்கர், காஜல் அகர்வால், ரகுல் பிரீத் மற்றும் பலர் நடித்துள்ளனர்.
தற்போது முதல் பாடல் ‘பாரா’ வெளியாகும் நேரம் அறிவிக்கப்பட்டுள்ளது. அதன்படி, நாளை மாலை 5 மணிக்கு ‘பாரா’ பாடல் வெளியாகும் என்று படக்குழு போஸ்டர் வெளியிட்டு தெரிவித்துள்ளது. ‘இந்தியன் 2’ திரைப்படம் ஜூலை மாதம் 12-ந்தேதி திரையரங்குகளில் வெளியாகவுள்ளது குறிப்பிடத்தக்கது.
இதற்கிடையே புதிய தகவலாக இன்னும் 6 மாதத்தில் இந்தியன் 3ம் வெளியாகும் என்று டைரக்டர் சங்கர், நடிகர் கமல் இருவரும் ஒரு தனியார் டிவி நிகழ்ச்சியில் தெரிவித்துள்ளனர்.