ஆந்திராவில் பஸ்சும், டிப்பர் லாரியும் நேற்று இரவு நேருக்கு நேர் மோதிக்கொண்டதில் இரு வாகனங்களும் தீப்பிடித்துக்கொண்டன. இதில் இரு டிரைவர்கள் உள்பட 6 பேர் அந்த இடத்திலேயே கருகி இறந்தனர். 20 பேர் தீக்காயம் அடைந்தனர். உடனடியாக போலீசார், தீயணைப்பு படையினர் வந்து காயமடைந்தவர்களை மீட்டு ஆஸ்பத்திரிக்கு கொண்டு சென்றனர். அவர்களில் பலர் கவலைக்கிடமாக உள்ளனர். விபத்தில் இறந்த 2 டிரைவர்களும் மதுபோதையில் இருந்ததாக தெரியவந்துள்ளது.
இறந்தவர்கள், வாக்குப்பதிவுக்காக ஐதராபாத்தில் இருந்து சொந்த ஊரான பாபடலா மாவட்டத்துக்கு வந்து விட்டு மீண்டும் வேலை செய்யும் இடத்திற்கு திரும்பியபோது இந்த விபத்தில் சிக்கினர். இந்த விபத்து சிலகலூர்பேட்டை என்ற இடத்தில் நடந்ததுள்ளது.