மயிலாடுதுறை டவுன் ஸ்டேஷன் தெற்கு தெருவை சேர்ந்தவர் ராமமூர்த்தி மகன் ஆகாஷ்(24 )இவர் பூம்புகார் கல்லூரியில் பிகாம் மூன்றாம் ஆண்டு படித்து வந்தார். கடலூர் மாவட்டம் புவனகிரி கச்ச பிள்ளையார் கோவில் தெருவை சேர்ந்த நாகப்பன் மகள் சிந்துஜா ,மயிலாடுதுறை அரசு மகளிர் கல்லூரியில் பி.ஏ. இரண்டாம் ஆண்டு பொருளாதாரம் படித்து வந்தார். இருவரும் இரண்டு ஆண்டுகளாக காதலித்து வந்துள்ளனர்.
இந்நிலையில் ஆகாஷ் வேறு ஒரு பெண்ணிடம் பழகி வந்தது தொடர்பாக இருவரிடமும் பிரச்சனை நிலவியதாக கூறப்படுகிறது. இந்நிலையில் (9-5-24) ஆகாஷ், சிந்துஜா ஆகிய இருவரும் பூம்புகார் கடற்கரைக்கு சென்றுவிட்டு மாலையில் மயிலாடுதுறைக்கு பல்சர் இருசக்கர வாகனத்தில் திரும்பி வந்தனர்.
அப்போது தன் வீட்டிற்கு பெட்ரோல் வேண்டுமென்று சிந்துஜா கேட்டதும் இரண்டு காலி பாட்டிலில் பங்கில் பெட்ரோல் வாங்கி சிந்துஜாவிடம் ஆகாஷ் கொடுத்தார்.
மயிலாடுதுறை நகருக்குள் நுழைந்தபோது ஆகாஷ் பழகி வரும் பெண்ணிடம் எந்த தொடர்பும் வைத்துகொள்ளகூடாது என்று சிந்துஜா கூறியதற்கு ஆகாஷ் மறுப்பு தொவித்ததாக கூறப்படுகிறது. இருவரும் மயிலாடுதுறை நகர் பாலக்கரை என்ற இடத்தில் வந்தபோது தனக்கு துரோகம் செய்ததால்
மனம் உடைந்த சிந்துஜா ஏற்கனவே தனது பையில் வைத்திருந்த பெட்ரோலை கண் இமைக்கும் நேரத்தில் தன் மீதும் காதலன் மீதும்ஊற்றி தீவைத்துக் கொண்டார். அந்த தீ இருவர் மீதும் பற்றி எரிந்துள்ளது. பலத்த தீ காயங்களுடன் பைக்கில் சிறிது தூரம் சென்றுகீழே விழுந்த இருவரையும் அருகில் இருந்தவர்கள் மீட்டு சிகிச்சைக்காக மயிலாடுதுறை அரசு மருத்துவமனையில் சேர்த்தனர். தகவல் அறிந்த மயிலாடுதுறை போலீசார் மருத்துவமனையில் சிகிச்சையில் இருந்த இருவரிடமும் விசாரணை மேற்கொண்டனர்.. ஆகாஷ் 60 சதவிகிதமும், சிந்துஜா 40 சதவிகிதமும் தீக்காயம் அடைந்ததால் இருவரையும் மேல் சிகிச்சைக்காக திருவாரூர் அரசு மருத்துவக் கல்லூரி மருத்துவமனைக்கு அனுப்பி வைத்தனர். முன்னதாக மயிலாடுதுறை நீதித்துறை நடுவர் வாக்குமூலம் பெற்றுள்ளார் அடுத்து இருவரும் மேல் சிகிச்சைக்கு கொண்டு செல்லப்பட்டனர். திருவாரூர் அரசு மருத்துவக் கல்லூரி மருத்துவமனையில் சிசி பெற்று வந்த இருவரில் ஆகாஷ் இன்று (14-5-25) காலை உயிரிழந்தார்.
ஒரு பெண்ணுக்கு மேல் காதலித்து ஏமாற்றும் இளைஞர்களுக்கு பெரும் அதிர்ச்சியை படுத்தி உள்ளது.