தமிழகத்தில் தற்போது வெப்பஅலை வீசுகிறது. இன்று திருச்சியை பொறுத்தவரை வெயில் சுட்டெரிக்காவிட்டாலும் வெப்பம் தகிக்கிறது. வீடுகளுக்குள் கூட இருக்க முடியவில்லை. வியர்வை கொட்டிக்கொண்டே இருக்கிறது. இந்த நிலை 6ம் தேதி வரை நீடிக்கும் என வானிலை மையம் அறிவித்துள்ளது. அத்துடன் 7ம் தேதி புதுவை , காரைக்கால் மற்றும் தமிழகத்தில் நீலகிரி, ஈரோடு, கிருஷ்ணகிரி, தர்மபுரி, திருப்பத்தூர், வேலூர் ஆகிய 6 மாவட்டங்களில் இடி மின்னலுடன் கனமழை கொட்டும் என வானிலை மையம் தெரிவித்துள்ளது. 8ம் தேதி தமிழகத்தில் ஓரிரு இடங்களில் பரவலாக மிதமான மழைக்கு வாய்ப்பு இருப்பதாகவும் வானிலை ஆய்வு மையம் தெரிவித்துள்ளது.
