கரூர் மாவட்டம் அரவக்குறிச்சி பகுதியில் கஞ்சா விற்பனை நடைபெறுதாக தனிப்பிரிவு காவலர்களுக்கு கிடைத்த ரகசிய தகவலின் அடிப்படையில் அரவக்குறிச்சி காவல் ஆய்வாளர் நந்தகுமார் மற்றும் தனிப்பிரிவு போலீசார் இந்திரா நகர் பிரிவு பேருந்து நிறுத்தம் பின்புறம் சோதனை மேற்கொண்டனர்.
அப்போது நான்கு இளைஞர்கள் சந்தேகத்திற்கு இடமாக நின்றனர். அவர்களை பிடித்து விசாரணை செய்ததில் கஞ்சா விற்பனை செய்வது தெரியவந்தது.
மேலும் விசாரணையில் அரவக்குறிச்சி வேலம்பாடி பகுதியைச் சார்ந்த ஹாரூன் சேட் (25), திண்டுக்கல் மாவட்டத்தை சேர்ந்த சிவக்குமார் (23), சுரேந்தர் (31), விக்னேஸ்வரன் (28) என்பது தெரியவந்தது. அவர்கள் நான்கு பேரையும் கைது செய்த போலீசார் அவர்களிடமிருந்து 7,500 மதிப்புள்ள 750 கிராம் கஞ்சா மற்றும் ஆயிரம் ரூபாய் பணத்தை போலீசார் பறிமுதல் செய்தனர்.
மேலும் கஞ்சா எங்கிருந்து வாங்கி வந்துள்ளார்கள் என்பது குறித்து போலீசார் விசாரணை மேற்கொண்டு வருகின்றனர்.