Skip to content

2024 தேர்தல் கூட்டணி நிலவரம்….தமிழக காங்கிரஸ் தலைவர்களுக்கு அழைப்பு…

வரும் 2024 நாடாளுமன்ற தேர்தலுக்கு காங்கிரஸ் கட்சி தயாராகி வருகிறது. ஏற்கனவே காங்கிரஸ், திமுக, திரிணாமுல் காங்கிரஸ், ராஷ்டிரிய ஜனதா தளம் , கம்யூனிஸ்ட் கட்சிகள் என பல்வேறு கட்சிகள் ஒன்றிணைந்து இந்தியா (I.N.D.I.A) எனும் கூட்டணியில் கட்டமைத்துள்ளன. இதற்கான ஆலோசனை கூட்டங்களும் அப்போது நடைபெற்று வருகிறது.

அதே வேளையில், காங்கிரஸ் கட்சி தங்களது கூட்டணி பேச்சுவார்த்தை குறித்தும் தொகுதி பங்கீடுகள் குறித்தும், ஆலோசனைகளை மேற்கொண்டு வருகிறது. அதற்காக தற்போது தமிழக பாஜக நிர்வாகிகளுக்கு காங்கிரஸ் தேசிய தலைமை அழைப்பு விடுத்துள்ளது.

தமிழக காங்கிரஸ் தலைவர் கே.எஸ்.அழகிரி, செல்வபெருந்தகை, ப.சிதம்பரம், மாணிக்கம் தாகூர், செல்லக்குமார் ஆகிய தமிழக காங்கிரஸ் தலைவர்களுக்கு காங்கிரஸ் தேசிய தலைமை அழைப்பு கொடுத்துள்ளது. இந்த ஆலோசனை கூட்டமானது வரும் டிசம்பர் 29, 30 ஆகிய தேதிகளில் டெல்லியில் நடைபெற உள்ளது. இதற்கான அழைப்பை தமிழ்நாடு புதுச்சேரி தேர்தல் பொறுப்பாளர் அஜய் குமார் வெளியிட்டு உள்ளார்.

கடந்த 2019 நடாளுமன்ற தேர்தலில் தமிழகத்தில் காங்கிரஸ் கட்சி திமுக தலைமையில் கூட்டணி அமைத்து 10 இடஙக்ளில் போட்டியிட்டது . இதில் 9 இடங்களில் காங்கிரஸ் வெற்றி பெற்றது. இந்த முறை அதற்கு கூடுதலாக இடங்கள் கேட்கப்படும் என எதிர்பார்க்கப்படுகிறது.

Leave a Reply

Your email address will not be published. Required fields are marked *

error: Content is protected !!